مصر 2012

ضوء شمس منعش يدخل من نافذة شرفتى
واصوات زقزقة العصافير تعزف اجمل الحان
استيقظت على ضوء الشمس المنعش واصوات الحان العصافير
نظرت فى الساعه الساعه 7 صباحا
وكانت النتيجه بجوارها تشير الى الاحد 15 ابريل 2012
لاول مره منذ ان ولدت استيقظ مبتسما
استيقظ مستريح البال
استيقظ ولدى نشاط للعمل
استيقظ وعندى امل لحياتى القادمه وعندى ثقه وفرحه بأخرتى
وبكل قوه وهمه انتفضت عن السرير ودخلت الى حمامى واغتسلت وانا ادندن بأغنية ايام حلوه الايام للفنان عمرو دياب
نظرت الى وجهى فى المرأه
هذا ليس انا عمرى ما كان وجهى مشرق مستريح هكذا
تذكرت ايام زمان قبل سنه لما كنت ببص على وجهى فى المرأه وارى البؤس والاحباط والتكشير مرتسم عليه
ياااااااااه كانت ايام راحت فى ستين داهيه
دخلت الى غرفتى وقمت بعمل تمارين للتنشيط ودب النشاط فى جسدى
خرجت لاتناول الافطار مع اسرتى وكان التليفزيون مفتوح على برنامج صباح الخير يا قائدنا
استمعت بكل انتباه لسيادة الرئيس وهو يحمس كل المصريين للعمل والنشاط والارتقاء بشان مصر
كان يصف حلمه لمصر حلمه ان ننتج ونصدر ونعمل بكل طاقتنا
واقسم للكل على الهواء بانه لن يدع الفساد يدمر مجتمعنا مره اخرى ولن يكون هناك وسائط ولا محسبويات
وان من يعمل اكثر ستتحسن حياته
وانه وهذا الوطن فاتحى ذراعيهم لكل من يجتهد ويعمل
مش انا اتعب وحد يخد تعبى ويسرقه ويهرب
واختتم القائد حديثه بقولته المشهوره
انا ابن البلد ديه وهاعيش زى كل ولاد البلد ديه هانجح بنجاحهم وهافرح بفرحهم
احسست بحماس شديد واحسست برغبه على العمل
ما انا على قد تعبى هاخد
خلصت فطارى وجرى على الشغل
كانت الساعه حوالى 7 ونصف ولما نزلت الشارع لقيته كله نشاط
كل البلد رايحه اشغالها بكل نشاط و الابتسامه على وجه الجميع
وتذكرت ايام زمان لما كانت البلد بتبتدى يومها الساعه 12 الظهر وكله مش طايق نفسه
قولت بينى وبين نفسى بلاش السيره اللى تعكنن ديه اهى ايام غارت فى ستين خراره
ركبت سيارتى ومشيت فى طريقى الى عملى
الطرق منظمه وعساكر المرور يقومون بواجبهم على اكمل وجه ويساعدون الكل
اضاءة اشارة المرور باللون الاحمر وتوقفت بسيارتى
واذا بسياره يقودها شاب مستهتر من بتوع ايام زمان بيكسر الاشاره
وعلى الفور ذهب اليه ظابط المرور وطلب منه رخصته لتحرير مخالفه
فرد الشاب انت متعرفش انا ابن مين
انا ابن اخو وزير الداخليه
قولت يا نهار ابيض ده زمان الظابط هيهور على روحه
ولكن فاجأنى الظابط بقوله بعد اذنك الرخصه يا اما هضاعف المخالفه
فاخرج الشاب الرخصه ومعها اكراميه
فما كان من الظابط الا ان حرر له محضر رشوه مع محضر كسر الاشاره
ايتسمت بينى وبين نفسى وبصراحه حسيت بتشفى فى الشاب ده
طول عمرى مبقبلش العيال ولاد الايه دول اللى كانوا بيدوسوا على كل الناس بسبب انهم ولاد او اقارب كبار البلد
روحت على شغلى واشتغلت طول ساعات العمل المفروضه
حسب قانون العمل عدد ساعات العمل8 ساعات
ولكن لظروف العمل اضطررت للعمل 11 ساعه هذا اليوم ولكن مش زى زمان ببلاش ولو مش عاجبك سيب الشغل
لا بيتحسبلى الساعه الاوفر تايم بساعتين
واهو كله رزق العيال
كنا انا وزمايلى مقسمين بالترتيب مين اللى يشتغل اكتر وياخد الاوفر تايم وكنا بنتخانق على اللى يقعد يشتغل اكتر
وصادف فى اليوم ده كان بيتصرف الحوافز والبدالات
اخدت قبضى وروحت على البيت وانا مش شايل هم هاجيب منين وهأكل عيالى منين
لا الحمد لله على قد شغلى باخد حقى معزز مكرم
المهم روحت البيت وقعدت مع عيالى الاعبهم انا ومراتى
والضحكه تجلجل المنزل
ودخلت لانام وانا فى قمة راحة الضمير
واستيقظت من النوم على صوت خبط قوى على الباب
بسم الله الرحمن الرحيم فيه ايه
قمت جرى على الباب وفتحت ولقيت الشرطه
سحبونى على القسم وقدمونى للمحاكمه وحكم عليا بالسجن
وجاء فى حيثيات الحكم ما يلى
المتهم قد خالف القانون رقم 10000 لسنة 2011 واللذى ينص على انه ليس من حق المواطن ان يحلم الا باذن مسبق وبموافقة الجهات الامنيه
وقد زاد المتهم على هذا ان حلم بحلم منافى للدستور
وقررت المحكمه بعد ان تبين لها اثم المتهم الحكم عليه بالسجن 10 سنوات بتهمةالخيانه العظمى فى الحلم
وتم ترحيلى الى السجن
وتذكرت حلمى اللذى عشت داخله وكانه واقع وابتسمت وانا اتذكر الحياه فى هذا الحلم
وكترابط للاحداث تذكرت ايضا انتخابات الرئاسه لسنة 2011 وفوز جمال مبارك بالحكم بنسبة 99.99 % بدون اى منازع
تحيااااااااااااااااااااااااااااااااااتى
احمد جوجووووووووووووو

هههههههههههههههههههههههه
تسلم يا صاحبي

مشكوووووور
تماموووووووووووووووووز يامااااااااااان

مشكوووووووووووووووور يا جوجو يا عثثثثثثثثل
تقبل مرورى

اللة عليك ياميزو ياجااااااااااااااامد............

برنس يا واد يا جوجو
تقبل مرورى يا واد يا عسوله
اخوك فارس

mashkor ea gogo

جميل يا مان

بجد توبيك روعه يا احمد

تسلم ايدك فعلا

تسلمولى احلى شباااااااااااب

توبيك جاااامد بجد يا أحمد تسلم ايديك ...