ازااااااي تبقي خنيق اخر حاجه؟؟؟؟؟؟؟!!!!!!!!

ازاي تبقى خنيق طحن
لحد ما تنضرب علقة سخنة



قول نكتة طويلة اوي وتعالى عند اخرها واعمل نفسك نسيتها




لما حد يشتكي لك من حاجةقوله انا عندي مشاكل اكتر منك






في مطعم بص للناس الي على التربيزة اللي جنبك وهي بتاكل ودقق اوي






كل ما واحد يقولك حاجة عيدها تاني على هيئة سؤال
مثلا هيقولك صحبك" مش انا اتجوزت"قوله اتجوزت؟
هيقولك"اه الشهر اللي فات"تقوله الشهر اللي فات؟.... وهكذا






وانت بتكلم حد متبصش في وشه خالص
وبص لواحد تاني دقق ف ملامحه يعني بص ف ودانه وشعره وكدا







لو انت ف مول ما تمشيش عادي لأ افضل نط لحد ما توصل للمكان اللي انت رايحه
مش كده وبس اي حاجة تقابلك طبل عليها





ف المترو امضغ لبانة بصوت عالي وانت واقف جنب حد بيقرا مجلة او جرنان
وانت بتقرأ معاه طبعا






اعزم ناس تعرفها ملهاش علاقة بمناسبة عيد ميلاد حد تعرفه وياسلام بقى
لو حد عازمك على الفطار لازم تاخدلك مش اقل من اتنين ف ايديك كده








لو قاعد بتتفرج انت واصحابك على فيلم وفاضل 5 دقايق قوم غير القناه ,
شد الفيشة لحد الفيلم مايخلص ومايعرفوش النهاية ايه!!!
وياسلام لو كان ماتش وفجأة لاعب شاط كورة جامدة
ممكن تبقى جون والكل مستني تقوم حضرتك زي ما احنا عارفين
تغير القناة او تشد الفيشة بس وحياتك تعملها بسرعة اوي







اول ما تشوف كيس كاتشب على الارض دوس عليه برجلك
اكيد هيطرطش على بنطلون اللي جنبك
تقوله سوري كنت بشوفه فاضي ولا مليان؟؟؟







لو حد واقف جنبك بيعد فلوس وهو ف وسط ما بيعد تقول اي رقم عشوائي
كده بس يكون كبير زي 465








البس جراب زي الجراب اللي بنحط فيه المسدس بس
حط فيه رموت كنترول وكل ما تقابل حد طلعه ف وشه قال يعني هتضربه بالنار



وان شاء الله لو عملت الحاجات دي

ابقى قولي اسم المستشفى اللي هتكون فيها

عشان ازورك وتشكرني ماااااااااااااااشي

هههههههههههههههههههههههه

ههههههههههههههههههههه
اية الخنقة دى

تسلمى تقبلى مرورى

ههههههههههههههههههههههههههههههههههههههههه
اي خدمه علشان تشكروني بس........

لا بجد ميرسى ع المعلومات ومنكم نستفيد يا قمر
تقبلى مرورى يا باشـــــــــــــــــــا
اخوكى
فارس