ٍّســولــو $@

وتنفع قصة ورواية

وقال دي الجملة من بقه وشفط

بقين في كوبايه

قزاز شفاف

وحط الجزمه في رجوله

وظبّط لاي أرجوله

وتاه في العتمه وسط الناس

تشيلوا بلاد تحطوا بحور

لكن عمره ماعدى السور

ولا عدى في يوم طوله

شرب ملكاس

وداب احساس

ونفذ ذي ماقالولوا

وبعد مافاق من الأوهام

لقى الأوهام بقت غوله

طلعله دماغ

ياعيني وداخ

على الحكما يعالجولوا

أبى الحكماء

يعالجوا الداء

مفيشي دواء له مفعوله

فضل ساير مع الأوضاع

وبيعدّل في بندوله

نسي البندول في يوم شغال

يعيني ونسيه بندوله

وبص لنفسه كيف وازاي

خلق من نفسه غير دوره

قعد عالقهوة يشرب شاي

وبيمصمص في أرجوله

وقلبه يلومه على غنوه

كانت ممكن تكون سولو