جميع كلمات اغاني هاني شاكر ...................

طول ما انت معايا :

حبيبي .. حبيبي ..
طول ما انت معا يا حبيبي ..
معايا ياحبيبي ..
أنا بنسى الدنيا ..
طول ما انت فقلبي حبيبي ..
فقلبي حبيبي ..
هواك حاجه تانيه ..
أنا عشت قفربك جنه جميله عشقتها ..
وليالي العمر عليا ملتها كلـها ..
مين يا حبيبي غيرك انت أخاف عليه ..
مين يا حبيبي روحي تجري بشوق عليه ..
قولي مين بعدك حقول كلمة حبيبي ..
لما ناديت قلبي لهواك .. لبيت نداه ..
شوف قد ايه واحنا سوا حلوة الحياه ..
آه يا حبيبي .. دنته اكتر من حبيبي ..

**************

من يوم ..

من يوم ما هواك خدني ..
والشوق بدوبني ..
وحنين بقربني ..يا حبيبي ليك ..
حبيت بك لياليا ..
حست انك ليا ..
وبقيت ملك ايديا و أنا ملك إيديك ..
حبيبي ..
حبيبي .. قرب هنه قرب هنا ..
ده الشوق فقلبي أنا ..
وده يبقى يوم المنى يوم ماتناديني عنيك ..
عيش معايا عيش فحضني ..
ياللي حبك مني خدني ..
خلى قلبي يدوب معاك ..
فرحت الاشواق بعيني ..
قلت تحلو بسنيني ..
يا حبيبي فيوم لقاك ..
قلي فين و ازاي الاقي ..
كلمه على قد اشتياقي ..
مش لاقيها في الكلام ..
اسأل الايام تقولك .. مش بنام والليل يدلك ..
من حبيبك في الغرام ..

********************

مش حب وبس :

مش حب وبس ..
دي حاجات مش ممكن من غيرك كانت تتحس ..
دي حاجات في القلب أكبر من اني أقولهالك بكلام في الحب ..
مش حب وبس ..
لما تلمسني بايديك ..
لما تحضني بعنيك ..
ببقى حاسس ان عمري كل عمري ملك ليك ..
كل دقه جوا قلبي ..
كل نظره جوا عيني ..
كل كلمه فوق شفايفي ..
يا حبيبي بتناديك ..
مش حب و بس ..
نفسي ألاقي كلمه تانيه غير بحبك كلمة توصفلك حنيني ..
نفسي أقولك وانت جنبي ايه يحس يا حبيب عمري و سنيني ..
مهما أقولك ع اللي بيا صعب أوصف حبي ليك ..
مش حب وبس ..
كل ثانيه ..
كل لحظه عشنا فيها يا حبيبي بعمري تاني ..
نفسي أقولك ياحبيبي ايه بيجرى لو تغيب عني ثواني ..
يا حبيبي عمري كله مش حعيشه الا بيك ..

*****************

حكايات الحب :

حكايات الحب من قبلك ..
دي ماضي بعمري ونسيته ..
و من يوم قلبي ما قابلك ..
عرفت الحب ولقيته ..
حبيت وعشقت بثواني ..
طب ليه خايف لتهواني ..
ياللي غرامك دوبني ..
قوللي بحبك قول قولها علشاني ..
ما كفايه عتاب وجراح ..
وتعال فحضني و ارتاح ..
ده الماضي ده عدا وراح ..
مش عاشق حبيبي سواك ..
ولا شايف في عيني الاقاك ..
دنا روحي وقلبي معاك ..

*********************

تقدر تقول :

تقدر تقول ان احنا ما اقدرناش عن بعض نبعد ..
ايوا ما عرفناش ماعرفناش ما عرفناش ..
واقدر أقول ان احنا كنا غلطانين ..
وان القلوب دابت من الشوق والحنين ..
وان الغياب قربنا ما بعدناش ..
في البعد كان كان قلبي يتوه ..
ويدور يدور في الوجوه ..
ويعود في اخر كل ليله ..
لعيونك اللي بيوحشوا ..
يا حبيبي آه من البعد آه ..
ارجع بقى قلبي انكوى ..
يا حبيبي ..
طعم الحياه ..
يفرق كتير واحنا سوا ..
وأقدر أقول ان اخنا كنا غلطانين ..
و ان القلوب دابت من الشوق و الحنين ..
و ان الغياب قربنا ما بعدناش ..
قربنا ما بعدناش ..

****************

يا ناسيني :

ياناسيني ..
انا مش قادر ع النسيان ..
يا ناسيني ..
أنا محتجلك زي زمان ..
لياليك واحشاني ..
حبك خلاني ..
شايفك بعنايا ..
و مالي الدنيا عليا بكل مكان ..
لياليك واحشاني ..
حبك خلاني ..
بغرامك بقدر ع الاحزان ..
تسق بايه ياغالي ..
تسدق بايه ..
مغير هواك حالي ..
ومعرفش ليه ..
بكره الحنين وشوقه يجيبك فيوم ..
محدش يعاند قلبه ويقدر عليه ..
يا جنة هوايا وناري ..
ده قلبي معاك ..
ومهما عيوني تداري ..
بتعشق نداك ..
ليلاتي بغني لطيفك وبنده عليه ..
و بحلم بهمسة قلبك وفرحة لقاه ..

****************

بــكل العمــر حبـــيــته ..
في حضن القلب خبيته ..
بــإسم الحــب سميتـه ..
حبيبي و دنيتي وفرحي ..
أتاري الحب كان زنبي ..
وكانت غلطتي فقلبـي ..
فضلت أديلو من حــبي ..
لقيتني بساعه على جرحي ..
وعيش يا قلبي واتعلم ..
عيش يا قلبي واتعلم ..
أتاري الحب ..
حتى الحــب ..
لو يوم زاد عن حده ..
يخلي قلب ..
يجرح قلب ..
وبتحول لشىء ضده ..
وعيش يا قلبي واتعلم ..
عيش يا قلبي واتعلم ..
أنا اللي طلعت أستاهل ..
وانا اللي بدنيتي بندم ..
سقيته حناني بالساهل ..
وعمري ما سبته يتألم ..
لا شاف مني عزاب ولا آه ..
ولا حبي في يوم بكاه ..
ملك روحي وعمري معاه ..
وخد أكتر ما كان يحلم ..
خـد أكتر ما كان يحلم ..
أتاري الحب ..
حتى الحب ..
لو يوم زاد عن حده ..
يخلي قلب ..
يجرح قلب ..
ويتحول لشىء ضده ..
وعيش يا قلبي واتعلم ..
عيش يا قلبي واتعلم ..
خساره يا عمر ضيعته ..
في وهم مسدقه لوحده ..
مشيت ورا قلبي وطاوعته ..
لقتني يسكتي وحدي ..
يا ريتني ما عشت أتمناه ..
ولا سلمت يوم لهواه ..
ملك روحي وعمري معاه ..
وخد أكتر ما كان يحلم ..
خـد أكتر ما كان يحلم ..
أتاري الحب ..
حتى الحب ..
لو يوم زاد عن حده ..
يخلي قلب يجرح قلب ..
ويتحول لشيء ضده ..
وعيش يا قلبي واتعلم ..
عـيش يا قلبي واتعلم ..

*****************

بحبك يا غالي :

حبيت معاك حياتي ..
يا أغلى ما فحياتي ..
لقيتك حبيبي خلاص ..
حبيت الضحكه ديه ..
وعشقت النظره ديه ..
من بين عيون الناس ..
بحبك يا غالي ..
دايمًا على بالي ..
بتمنى أيام و ليالي ..
تيجي حبيبي تقولهالي ..
عشانك يا عمري حعيش بس ليك ..
وبحلف بعمري ما غيب عن عينيك ..
أنا ملك ملك قلبك ..
أنا روحي فيك ..
تقولي حبيبي ..
أقولك معاك ..
عنيا وحياتي وقلبي فداك ..
مليش الا قلبك وبعشق هواك ..
بحبك يا غالي ..
دايمًا على بالي ..
بتمنى أيام وليالي ..
تيجي حبيبي تقولهالي ..
عشان انت قمري وشمسي وهوايا ..
وجودك معايا ده عندي كفايه ..
يا وعدي ومنايا يا أجمل حكايه ..
معاك للنهايه يا فرح السنين ..
تقرب تلاقي بقلبي الحنين ..
طريقي وطريقك طريق عاشقين ..
بحبك يا غالي ..
دايمًا على بالي ..
بتمنى أيام وليالي ..
تيجي حبيبي تقولهالي ..

****************

بنت قلبي

هو انت بنت قلبي بخاف عليك خوف
قلبك ياذوب بيحبي يتهجي في الحروف
واما ييجي جنبي واقوله قول يا حبي
لا يقول ولا يخبي
بيذوب بيذوب من الكسوف

اسهرلك الليالي مشفش غير عينيك
ولا يجي شيء في بالي إلا اشتياقي ليك
في عينيك ضي نجمة اسمك ده احلى كلمة
قلبك ده زي نسمة جيا في حر صيف

واما ييجي جنبي واقوله قول يا حبي
لا يقول ولا يخبي
بيذوب بيذوب من الكسوف

عينك تنام ويسهر قلبي ما بين ايديك
واقول يا ريتها تؤمر ولا يغلى شيء عليك
مين اللي خدني مني ومين شغلني عني
قلبك هواه خطفني ومعاه بعيش واشوف

واما ييجي جنبي واقوله قول يا حبي
لا يقول ولا يخبي
بيذوب بيذوب من الكسوف

*************
أغنية أجمل ما في الدنيا

أجمل ما في الدنيا حبيبي تبقى معايا
يلي انت قربك من قلبي وبس كفايه
انت اللي بتمناه واللي بدوب في هواه
دنا عمري ملك ايديك ولا حاجة تغلى عليك

حبك مدفيني قربك بيحييني ويا اغلى من عيني انت اللي بحلم فيه
طول ما انت وياي بتحس بهوايا يا حبيبي ده كفايه حتمنى اكثر ايه
انت اللي بتمناه واللي بدوب في هواه
دنا عمري ملك ايديك ولا حاجة تغلى عليك

الحب جمعنا ومسحلنا دموعنا انا وانت ودعنا الجرح والأحزان
يا حبيبي مين ثاني يشغلني لثواني خد عمري وزماني قلبي وعمري كمان
انت اللي بتمناه واللي بدوب في هواه
دنا عمري ملك ايديك ولا حاجة تغلى عليك

**************

إلا دموعك انت

إلا دموعك إنت .... إلا دموعك إنت
صعب علي صعب علي أشوف يا حبيبي دموع في عينيك

إلا دموعك إنت .... إلا دموعك إنت
بتعذبني وبتتعبني وتخوفني يا عمري عليك
دمعة عينك تجرح قلبي مهما عينيك تكذب وتخبي
حتى إن كان دمعك مش ذنبي من جرح الأيام حفديك

أول فرحة بعمري هواك .. أول لحظة شوق وياك
انا طول عمري بتمناك واستناك يا حبيبي تجيني
عشت في قلبي وجوا الروح ومعاك قلبي منين ماتروح
لو حتبات الليل مجروح دمعة عينك تسكن عيني
الا دموعك انت ... إلا دموعك انت
صعب علي صعب علي تشوف يا حبيبي دموع في عينيك

انا ما حلمتش غير بعنيك وما فكرتش يوم غير فيك
طول ما بتلمس ايدي ايديك كل العالم بيكون ملكي
خد من قلبي شوق وحنان خد من عمري وعيش بأمان
إوع تسلم للأحزان ولا أشوفك مرة بتبكي
الا دموعك انت ... إلا دموعك انت
صعب علي صعب علي تشوف يا حبيبي دموع في عينيك

***************

لسه بتسألي

هو انت لسه بتسالي إنت بالنسبالي ايه
لا يا حبيبتي اطمني الجواب عندي تلاقيه
لما تجري جوا دمي لما تبقي كل همي لما اعيش وياك حلمي
تبقي بالنسبالي ايه
لما ضلك يبقى ضلي وتبقى اجمل شيء فضلي لما اسهرلك تملي ويا طيفك يبقى ليه
تبقي بالنسبالي ايه
لما اتحدى الدنيا عشاك لما اتعذب من احزانك
لما اوهبلك وانت مكانك كل اللي انت بتتمنيه

لما الاقي الشوق صاحبني والحنين ليك واخدني
يبقى ايه اللي غصبني غير هوى بلاقيني فيه
واما قلبي يدق دقه بين حنين وحنان ورقة
والقى روحي ليك سابقة عالمكان اللي انت فيه
واما اعيش واحلم بدنيا انت نورها بكل ثانية
يبقى أي دنيا ثانية مش معاك تسوى ايه

لما ثانية تفوت علي وانت مش قدام عيني
كل شيء بالدنيا ديه يبقى صعب وقاسي ليه
مش حقولك يا عيوني مستحيل ابدا تهوني
انت احلامي وكوني والهوى اللي بعيش عليه
يا جنوني واشتياقي لما بتغرب بلاقي
قلبك انت وحده باقي جنب قلبي يخاف عليه

لما بنسى عمري قبلك واتولد لحظة ما قابلك
وقلبي يبقى ملك قلبك والغرام مكتوب عليه
لو اقولك مهما اقولك برضه مش حقدر اقولك
انت على بعضك وكلك احلى حلم حلمت فيه
لسه برضه بتساليني دنت قلبي وانت عيني
وانت روحي ونور سنيني
عايزة ثاني اقولك ايه ... اقولك ايه

*****************

متهم

متهم أنا بالخيانة والخداع
متهم بإني قلبي في لحظة باع
والحكم ايه كلمة وداع يعني فراق يعني عذاب يعني ألم

إنت السبب .. إنت اللي دخلت صديقتك في حياتي
إنت اللي قربتيها من فرحي وآهاتي
انت اللي كنت بتبعدي متحسنيش
وهي كانت حاسة بآلامي وسكاتي

إنت السبب .. انا حلم اللي ترسم كان ليك انت
انا كنت عايش في الحياة علشانك انت
واحتجت ليك كثير لكني مش لاقيك
لقيتها هي واقفة مكان حبيبتي

انت السبب .. قبل ما تتمادي في الاحكام علي
المتهم ده مش انا ولا حتى هي
المتهم انت اللي خدتي فرح عمري وسبتي قلبي يضيع
ولا حسيت فيا

*************

لو شغلوني

والله لو شغلوني ده في قلبي وعيوني ولا غيره حبيب
ده هو حياتي وحلمي ليلاتي ده كل حكاياتي ده هو النصيب

عيونه الجميلة خدوني في ليلة سقوني الغرام
سحرني بكلامه ورقة سلامه حرمني المنام
والله لو شغلوني ده في قلبي وعيوني ولا غيره حبيب
ده هو حياتي وحلمي ليلاتي ده كل حكاياتي ده هو النصيب

سهرت الليالي في بعدك يا غالي بنادي عليك
بستنى اشوفك والمس كفوفك وابص بعنيك
والله لو شغلوني ده في قلبي وعيوني ولا غيره حبيب
ده هو حياتي وحلمي ليلاتي ده كل حكاياتي ده هو النصيب

حبيبي يا حلم عمري
انا عمري كله ليك
ولو تطلب يوم عيوني ما تغلاش يوم عليك
بحبك
بحبك
بحبك
*****************

دعوة فرح

جتلك هناك حسب الميعاد
جتلك عشان انهي البعاد
جتلك احدد حب عمري ايه مصيره
جتلك وسايب بين ايديك خط سيره
جتلك عشان ابدا معاك من جديد
جتلك اعيش واحلم بعمر يكون سعيد

جيتي بالخطوة البطيئة جيتي بالضحكة الرقيقة
جيتي زي ما قولتي جيا وبمعادك بالدقيقة

انا لما شفتك قلبي طار من لهفتي
وجريت عليك وشوقي سابق خطوتي
جبت السنين في شريط حزين متجمعة
وسكتي فجاة وعيني خايفة مدمعة
ولقيت ايديك في شنطتك ومطلعة
دعوة فرح ... دعوة فرح ... دعوة فرح

دعوة فرح وفيها اسمك جنب اسمه
بردت ايدي وضاع خيال حلمي اللي رسمه
الدهشة والخوف والالم سكنوا ملامحي
مبقيتش عارف الاقي صوتي والم جرحي

معقول معاد الفرح يتبدل الم
معقول سنين الحب يطويها الندم

طب جيتي ليه وقصدك ايه من اللقى
جيتي عشان ترميني في حضن الشقى
مبروك عليك الفرح وعلي الجراح
مش هو ده حلمك
خلاص امشي بقى

ما ليش غيرها

ماليش غيرها وغيرها ماليش
عشانها بعيش
في قلبي مفيش حبيب غيرها ماليش غيرها
ماليش غيرها لنا حبيت ولا حسيت ولا تمنيت في يوم غيرها
ماليش غيرها
ولو عيني تشوف عينها حقول عاشق واعلنها
مليش غيرها مليش غيرها مليش غيرها وغيرها مليش

هي كل شيء في الكون هي مش غيرها
هي هي احلى عيون ذبت في بحورها
ليلي خد جمال اللون من ضفايرها
ويلي جنب منها يهون لو قريب منها

قلبي في الحنين بيذوب لو تناديني
حبك من سنين مكتوب قبل ما تجيني
همسة واحدة يدوب منها ترضيني
عمري مهما قلت حتوب مش حتوب عنها

***************

بدعيلك تنساني

بدعيلك تنساني وبحاول انساك
لا بايدي ولا بايدك اني اكون وياك
حكم البعد علينا تتفرق امانينا
كل ما نزرع ورده يرمينا باشواك
بدعيلك
حاول جرب ابعد انسى وبلاش مني تقرب
علم قلبك يقسى
حانسي حياتي معاك وانسى عشاني هواك
انسى عشاني هواك

بدعيلك تنساني وبحاول انساك
لا بايدي ولا بايدك اني اكون وياك
حكم البعد علينا تتفرق امانينا
كل ما نزرع ورده يرمينا باشواك
بدعيلك

************

تقدري

تقدري من نظرة واحدة تضحك الدنيا واحدة
تقدري من كلمة واحدة تسعدي سنيني اللي جاي
انت احلامي وزماني والحنين اللي ناداني
يا قمر اللي خلا كل ايامي هنيه

يا ارق واحلى نسمة قلبي عاش يحلم بنورها
كل خطوة بعيني رسمة جنة وانت عبير زهورها
افرحي وقلبي معاك طير ونفسه يطول سماك
اللي باقي غير هواك اغلى من روحي علي

من حنانك روحي تبقى طايره فوق الدنيا ديه
والقى قلبي في كل دقة يقولي كل حياتي هي
انت وحدك يا عيوني نبض اشواقي وجنوني
قربي من قلبي كوني ورد ايامي النديه.

*****************

بحبك أنا

قد ما عمري يطول حفضل أحبك أنا
ليلي نهاري بقول انت حبيبي انا
فينك من بدري ... بحبك أنا
يا مناي يا عمري ... بحبك أنا
مستني اشوفك والمح طيفك ليله يا غالي

قبلك كنت غريق ولا حسيت بالهوى
ولا كان لي طبيب ولا كان لي دوا
وخدتني عينيك السمرا نستني الدنيا المره
فينك من بدري ... بحبك أنا
يا مناي يا عمري ... بحبك أنا
مستني اشوفك والمح طيفك ليله يا غالي

وانت حبيبي بعيد يومي بيبقى سنه
واحلم بالمواعيد ايمتى تجيني انا
ما هو انت حبيبي الغالي
ولا غيرك شاغل بالي
فينك من بدري ... بحبك أنا
يا مناي يا عمري ... بحبك أنا
مستني اشوفك والمح طيفك ليله يا غالي

**************

سألتك

سألتك انت مين ... جاوبتي بكلمتين
حلفت انه اللي بينا اول تجربة
رسمتي دمعتين وعينيك الكذابين لعبة دور الوفية الصافية الطيبة
وسمعت حاجات كثيرة جاوبها لازم نفترق
اني انت قبلي سبتي الف قلب بيتحرق
سالت عن ماضيك في اول الطريق
قلتيلي ماضي عادي قلتيلي كان بريء
وفضلت ماشي عايم في بحرك الغريق
كان حبك حب غالي كان واصل منتهاه
كان اقوى من الليالي كان اقوى من الحياة
مشواري كان معاك مش عارف ايه مداه

كذبت بالحقائق هربت من اللي فات
وفيت بالدقائق وخنت بالساعات
قلتيلي بعدك انت ماضي كله مات
عرفتي توهميني بالحب والحنان
عرفتي تملكيني خدتيني من الزمان
قدتلك عمري كله قدتلك الامان
حاولت تخدعيني بصورتك الملاك
حاولت تكسريني هربت من الهلاك
قربت قلبي قلي حياتنا مش هناك

هوايتك الخيانة وحب الانتصار
ودائما القوية في لحظة الانكسار
وآخرة الضحية برقية اعتذار
لاني طول حياتي ما بحبش الخداع
لاني حبي ليك مصيره للضياع
مع اني لسه عايزك حفضل الوداع

مش حقدر ابقى واحد متعذب ليل نهار
مش ححلم بالسعادة بعدين اعيش في نار
حقرب النهاية حنزل الستار

************

أمرك

أمرك يا حبيبي إيه
حلمك شاور عليه
ونا انا
لو اطول قمر الليالي لو اطول النجم العالي
لو اطول الشمس بنورها والدنيا وكل بحورها
تلاقيهم بين ايديك
لو عمري وكل حياتي لو فرحي لو ابتساماتي
لو قلبي لو عيني .. ايام عمري اللي جاي والله ما كثير عليك

اؤمرني حبيبي وامرك ماشي على القلب والعين
سيب لي الشوك والجرح وخد حب وفرح السنين
انا ادوق الويل انا وانت تدوق الهنا
انا ابكي العمر وانت ما تبكيش ليلة في عمرك

اؤمني حبيبي احقق كل اللي انت بتحلم فيه
لو حتى حدوس على النار واخطي الصعب وامشي عليه
انا حالف بالهوى حنكون على طول سوى
تبقى انت كل عمري ودنيتي وانا كل عمرك

*************

جرحي أنا

عدت سنة والليلة حطفي شمعة الجرح الغريب
جرحي انا
جرحي اللي عشته من فراق اغلى حبيب
شمعة دموع شمعة ندم
شمعة حنين شمعة ندم
قرب يا قلبي من الشموع
اللية عيد اصعب دموع
عيد ميلاد جرحي انا

الذكريات المؤلمة والجرح والأحزان ضيوفي
والورد معزوم إنما خجلان وحيد يشبه لخوفي

فاضل ثواني قليلة ويعدي اول عيد لجرحي
والجرح حيعيش جوا مني مش حيمحيه أي فرح

**************

اللي بيحلم

اللي بيحلم يشفي جراحه يداوي جراحه بايده
والمكسور في الحب جناحه
عمر البكى ما يفيده
دوس على جرحك عديه ... جمد قلبك قويه
واللي في احساسك خانك انساه لو روحك فيه
ياما زمان ضحيت وديت لكن مش حنعيده

مجروح ورا كل باب زيك ذاق العذاب
بيقاسي من الاحباب ولا حد حاسس بيه
آه من ظلمنا لبعضنا
آه من جرحنا لنفسنا
آه لو بعنا يوم حبنا ايه ثاني نبكي عليه
دوس على جرحك عديه ... جمد قلبك قويه
واللي في احساسك خانك انساه لو روحك فيه
ياما زمان ضحيت وديت لكن مش حنعيده

مين فينا ما قالش آه وفي لحظة ضعف تاه
وتغرب في الحياة والحزن مالي عينيه
آه لحظة فراق عشتها
آه دقت المرار وقتها
آه وقدرت اعيش بعدها واحب خاين ليه
دوس على جرحك عديه ... جمد قلبك قويه
واللي في احساسك خانك انساه لو روحك فيه
ياما زمان ضحيت وديت لكن مش حنعيده
************
انا حذرتك

انا حذرتك منه وانت عشقت هواه
أنا أنا أنا حذرتك منه
وتصورت بانه لسه في قلبه حياة
أنا أنا أنا حذرتك منه

وما عرفتي بغدره لسه بتديه عذره
حتى في بعده وظلمه وهجره وقلبك لسه معاه
أنا حذرتك حذرتك أنا حذرتك منه

ليه سلمت عواطفك واستسلمت لضعفك
ليه صدقتي عينيه ليه صدقتي عينيه
ليه من بعد ما خدعك لسه هواه بملامحك
لسه بتبكي عليه لسه بتبكي عليه
وما عرفتي بغدره لسه بتديه عذره
حتى في بعده وظلمه وهجره وقلبك لسه معاه
أنا حذرتك حذرتك أنا حذرتك منه

ليه ضيعت شبابك واستحلمت عذابك
قلبك لسه شاريه قلبك لسه شاريه
ليه من بعد ما سابك لسه بتفتحي بابك
لسه بتحلمي فيه لسه بتحلمي فيه
وما عرفتي بغدره لسه بتديه عذره
حتى في بعده وظلمه وهجره وقلبك لسه معاه
أنا حذرتك حذرتك أنا حذرتك منه

***********

انسحابي

انسحابي جيه في وقته كل فجر وله أذان
مش حقولك قلبي خنته
مش حراهن عالزمان
مش حراهن عالأماني أو في يوم ترجعلي ثاني
أو كلام في الحب قلته
انسحابي جيه في وقته

وابتدا يذبل هوانا وانت بتضيع من ايدي
ايوه حسيت بالخيانة قبل ما شوفها بعني
عمري ما احساسي خاني
غصب عني سبقني ظني والخداع في عينيك لمحته
انسحابي جيه في وقته

انسحبت وقبل ما امشي جيت اقولك وانت عارف
كنت بين جفني ورمشي نور يا ريتك كنت شايف
لو يضيع عمري اللي باقي مش راح اجرح كبريائي
كل باب في هواك قفلته
انسحابي جيه في وقته

*************

وحشتيني

وحشتيني بسحر عينيك بهواك بشوق لياليك
بلقاك بكل ما فيكي يا ملاكي وحشتيني
اسرتيني وروحي معاك عشقاك ومهما تروحي وياك
وحتي وعيني شايفاك وحشتيني

في ليالي عيونك ياما سهرت وياما اشتقت
وياما ياما انا ياما هويت
وبحر حنينك ياما سفرت وياما غرقت
وياما ياما انا ياما ناديت
وفي يوم ما هواك ناداني
من قبل ما احس بحالي
وحشتيني وحشتيني

في حكاية حبك ثاني كتبت وثاني وصفت
وثاني ثاني انا ثاني حكيت
وفي شوقي لقربك ثاني حلمت وثاني احترت
وليكي ليكي انا ليكي شكيت
وان غبت علي ثواني
في غيابك بنسى زماني
وحشتيني وحشتيني

***********
يا قلبي لا

مش هو ده يا قلبي لا لا
مش ده اللي كان معنى الحياة
ضحيت عشانه بدنيتي وجرحني هو
كان كل املي وفرحتي في الدنيا هو
ولا عمري يوم نسيته ثانية
راح وسابني في سكة ثانية
غرقان في ليل ودموع وآه

انا كنت بحلم ولا بتخيل يا قلبي
ازاي طوعتك وتخدعت معاك في حبي
كان هو فرحة عمرنا ولا لينا غيرها
ازاي مشينا سكته لغاية آخرها
وازي خدتنا يا قلبي دوامة هواه

يا قلبي ذبل زهرة الحب في طريقي
ما تمشنيش مشواره حتى لو حقيقي
وكفايا عشنا عمرنا ننده نجومه
ايه اللي خدنا غير عذابه وغير همومه
وغير جراحه من بدايته لمنتهاه

**********

على باب القدس

كل المدن بتنام
غرقانة في الاحلام
الا عيون القدس صاحية ولا بتنام
كان صوت الحق بصرخة طفل في حضن الموت
تنهيدة أب في آخر نظرة وآخر صوت
وعيون بتقول القدس حتبقى ومش حتموت

على باب القدس وعود وأماني وحلم كبير
وصلاة بتخلي الشوك في طريقنا كأنه حرير
في إيديهم نار واحنا بأحجار حنخلي ظلام الغدر يفوت
في سبيل الله ارخصي يا حياة يا تعود القدس يا إما نموت
يا تعود القدس يا إما نموت
كان صوت الحق بصرخة طفل في حضن الموت
تنهيدة أب في آخر نظرة وآخر صوت
وعيون بتقول القدس حتبقى ومش حتموت

*************

مشوار

مشوار الدنيا مكتوب بالثانية مين اختار النصيب
الناس حبينها وسنين عايشينها ولكل قلب حبيب
ونا شايفك بعينيه اول حبيب لي
واتاري مكتوبي عشق العيون دي
شدتني ضحكة عين شبك الغرام قلبين
جمع الهوى حبيبين بين نظرة والثانية
مشوار الدنيا

اخترتك للزمان واديتك الامان
قلبي المشتاق لحبك حيحبك مهما كان
ونا شايفك بعينيه اول حبيب لي
واتاري مكتوبي عشق العيون دي
شدتني ضحكة عين شبك الغرام قلبين
جمع الهوى حبيبين بين نظرة والثانية
مشوار الدنيا

أشواقي ملكتها وحياتي خدتها
وعينيك السود حبايبي من قلبي بحبها
ونا شايفك بعينيه اول حبيب لي
واتاري مكتوبي عشق العيون دي
شدتني ضحكة عين شبك الغرام قلبين
جمع الهوى حبيبين بين نظرة والثانية
مشوار الدنيا

************

تعالوا

تعالوا .. ننده على الايام على الاحلام على دنيتنا وزمانا
تعالوا .. لا ندم على اللي يضيع ولا اللي يضيع ولا اللي راح منا
تعالوا ما نضيعش الهوا
تعالوا دي ما تحلاش غير سوا
وداع يا جرح وداع يا دمع وداع يا احزانا

ايام بيمروا وبعدوا والفرح ساعاته بيتعدوا
ماندور علي اللي يفرحنا ما نهرب من اللي بيجرحنا
مش عارف ليه نتعب روحنا
واحنا .. احنا
الدنيا تخلقت علشانا

اللحظة الحلوة معدية لو ضاعت منك مش جايه
متعيش وانسالها وعدلها لو مالت حاول تعدلها
آه منها الدنيا وآه منها
يوم تدي ويوم تاخد منك

*************

يا ريتني

قبلتك قبل ما قابل حد
ياريت مشوار عمرنا يتمد
ياريتني عرفتك من زمان

ما كنش امل في حياتي تهد
ما كنش الدمع جرحلي الخد

ما كنتش حاعرف احزان .. أحزان
ولا كان عدا العمر وفات
ولا كان تعب القلب آهات
كنت لقيتك وانت لقيتني
يا ريتني

انا بندم على ايامي اللي انا عشتها عل كل سنين
انا بندم على احلامي اللي حلمتها مع ناس ثانيين
لو كان قلبك معايا لو كان هواك هوايا
كنت حبيع الدنبا بحالها وحبك كان كفايه

مش عارف انا من غيرك كنت حكمل عمري ازاي
مش عارف انا ونا جنبك ليه مش خايف من اللي جاي
لو كان عمري بايدي لو كان يرجع شوي
كان لا زمان ولا وقوة حتبعد ايدك عن ايدي

**************

سبتيني ليه

جراح .. بعدك ازاي حارتاح بتعذب ليل صباح
جراح جراح
بعدك حياتي جراح لا شموع ولا افراح
جراح
فيها ايه لو كنت عشت العمر جنبي
فيها ايه لو كنت عشت بحضن قلبي
الحياة ما بقتش تنفع
والسكات ما بقاش ما بينفع
والايدين عماله ترفع حلم مش قادر عليه
سبتيني ليه ... سبتيني ليه ... سبتيني ليه

مستحيل بعد ما عشنا سوا
مستحيل يقوم يضيع منا الهوى
فين كل ايامنا فين كل احلامنا
واللي تواعدنا عليه اللي تواعدنا عليه
قولتيلي يا عمري حديك سنين عمري
غيرت وعدك ليه

مستحيل بعد كل الحب ده
مستحيل النهاية تكون كده
لو انت مش جنبي حيعيش قلبي
والحزن ساكن فيه
لو انت سبتيني ايامي وسنيني
حتساوي بعدك ايه

****************

أيام من عمري

أيام من عمري بضيع من عمري
ده اليوم وانت بعيد يا حبيبي مش محسوب من عمري
خليك هنا جنبي خليك مع قلبي
انا عاشق ذايب في عيونك همه وبس حبايبي

خليني معاك ليلة خليني اعيش ليلة
يا حبيبي من الليلة انا حابتدي عمري

بحبك يا غالي وطال انشغالي
بعد الليالي في بعدك انا
بحبك حكاية بتبدا معايا
حروفها هوايا واسمي انا
دحنا بالهوى دايبين آه آه آه
روح واحدة بين قلبين آه آه آه
خليني معاك ليلة خليني اعيش ليلة
يا حبيبي من الليلة انا حابتدي عمري

وحشني حبيبي نصيبك نصيبي
اكمل حياتي وحياتك سوا
اشوفك قصادي تطمن فؤادي
تداوي آهاتي ويحلى الهوى
ليه نضيع احلى سنين ليه ليه ليه
ليه ننسى اننا عاشقين ليه ليه ليه
خليني معاك ليلة خليني اعيش ليلة
يا حبيبي من الليلة انا حابتدي عمري

*************

المفروض

المفروض انه احنا اللي اثنين كان بينا اماني
وكانت بينا وعود
انا احنا الاثنين ياما قلنا لا يمكن حاتفرقنا حدود
ليه قولتلي عاشقك بجنون
ليه تخدعني ليه بتخون
ليه بتحب مادام حتبيع
ليه نحلم والحلم يضيع
ليه تحلفلي وبتوعدني
وتقربي وتعودني
وبترغمني وبتأيدني بحب مالوش اساس ووجود
ليه ليه

ليه تخدعني وليه توهمني وليه بتسبني اعيش مخدوع
املى حياتك حب وفرح وتملى حياتي جراح ودموع
عيشتني في الوهم سنين رحلة حب وشوق وحنين
كانوا عيونك ليه خاينين كان قلب وضميرك فين
ليه تحييني وتموتني
ليه تبنيني وليه هدتني
ليه شدتني وليه خلتني امشي معاك في طريق مسدود
ليه ليه

ليه القلب الطيب دائما يبقى جزاته آلام وخداع
ليه الحب الصادق لازم تبقى نهايته فراق ووداع
قولي عملت لقلبك أيه ،، انا ماظلتمش تظلم ليه
ليه بتسبني بنار وعذاب
ارسم الف امل كذاب
ليه تكسرني وبتقسمني
ليه بتجرحني وبتهزمني
وبتجبرني وبتلزمني اعاهدك ولا توفيش بعهود

***********

لو عارف

لو عارف .. لو عارف
انه الدنيا بحالها ايوه بكل مافيها
مش حتعوض ثانية من اللي قابلتك فيها
كنت رميت الدنيا وجيتلك غنيتلك
الغنوة اللي تحبي اغنيها
لو عارف لو عارف

لو عارف إني حتوه واحتار وحدور ثاني عليكي
اني حعيش اتمنى تلقى عينيا عينيكي
كنت ما سبتش لحظة تعدي علي
غير وايدي بحضن ايديكي
لو عارف ،، لو عارف

لو عارف اني حعيش وخلاص مع غيرك بحلم فيكي
وان الحب خلاص مش حلاقيه بعديك
كنت ما سبتش لحظة تعدي علي
غير وايديه في حضن ايديكي
لو عارف ،، لو عارف

************

يا ويل ويلك

ياويل ويلك يا ويل ويلي
لو حكيلك عذاب ليلي
انا ليلى نهار
انا قلبي احتار
بين جنة ونار قلتي يا ويلي
ويل ويل يا ويل ويلي

عيونك بحر ماله قرار وفيه احتار حنين عيني
عيونك سر من الاسرار وجمرة نار بتكويني
وايه ثاني حقولهوك عن الاشواق وايه قولك
انا ليلي نهار
انا قلبي احتار
بين جنة ونار قلت يا ويلي
ويل ويل يا ويل ويلي

غرامك عمري عشته معاك وقلت فداك تهون روحي
طيفك مر صحى هواك لقتيني معاك نسيت روحي
ومن غير يغنيلك ويحلم بيك ويشكيلك
انا ليلي نهار
انا قلبي احتار
بين جنة ونار قلت يا ويلي
ويل ويل يا ويل ويلي

**************

انسي

كل دموعك مش حتكفي ناري وجرحي وندمي اسفي
وان كان حبك نقطة ضعفي بعلن اني برئ من حبي

انت بنظري مجرد ذكرى ماتمناش تتكرر بكره
واللي يخون الحب في مرة عمر مكانه ما يبقى بقلبي

بعد ما هان الحب وبعته راجعه ازاي تقولي ندمتي
مهما بكيتي ومهما عاتبني انا دلوقتي بقولك انسي
قبل ما قلبك يترجاني اسالي قلبك مين الجاني
لو فكرت ارجعلك ثاني عمري ما حقدر اسامح نفسي

انا لو ايدك لمست كفي او يوم سيرتك جات في شفايفي
عمري ما قلبي حيرجع يوفي لو كان حبك ضد كرامتي
جرحك اكبر من نسياني
غدرك اكبر من احزاني
وان رجعني الشوق لمكاني حبقى كتبت بايدي نهايتي

***********

حكاية عمري

مين اللي عشقتها .. انت
مين اللي اخترتها .. انت
مين اللي هواها حكاية عمري
انت انت حكاية عمري
ايوه ايوه يا عمري
حبك حبك هو حياتي وشمسي وقمري
قلبك قلبك ليه بيداري .. قصده قصده يزود ناري
والله والله انا شاري مسلم أمري
لو رحتي لفين قلبي معاك
لو غبتي سنين حستناك

من يوم يا حبيبتي وعيوني جت في عيونك
حسيت بالهوى وعشقتك وبقيت في الهوى مجنونك
أيامي عشقتها ... أحلامي قابلتها
لو رحتي لفين قلبي معاك
لو غبتي سنين حستناك

محتاج يا حبيبتي الاقي قلبك على طول وياي
محتاج تحضني اشواقي وتعيشي الحلم معاي
من غير اقولها من قلبي بحبها
لو رحتي لفين قلبي معاك
لو غبتي سنين حستناك

**************

اتكلم

من النهاردة يا حبيبي حبنا لازم يعيش
من النهارده يا حبيبي كل شيء ما يهمنيش
اتكلم

اتكلم قول للعالم قول للناس
اتكلم وافتح قلبك قولي بحبك قلها خلاص
اكتب على قمر الليالي على ورق الشجر
اجمل قصة حب غالي عرفها البشر
على مشوار عمرنا ... اتكلم
على شوقنا وحبنا ... اتكلم
انا نفسي العشاق يا حبيبي مننا تتعلم

احضن وياي السنين اشرب واسقيني الحنين
الحياة حنعيشها مرة مش حنعيشها مرتين
علم اهل الملامة الفرحة والابتسامة
قول للحب تعالي وقول للجرح مع السلامة

كل عاشق قلبه ذاب من العذاب ومن الفراق
الا انا وانت اللي عشنا عمرنا كله اشتياق
انا وانت بيجري شوقنا زي الدم في عروقنا
مش عايزين غير بعض وده ابسط حقوقنا

************

ارجعيلي

ايوه سبتك غصب عني القدر كان اقوى مني
بس وحياتك ما خنتش غلطتي انني ما قولتش
عن سبب وبعدي ورحيلي لما كنت بتندهيلي
ارجعيلي
انت اول حب عشته انت آخر حب عشته
احلي حلم في يوم حلمته
صدقيني وارجعيلي
ارجعيلي ... ارجعيلي

نفسي اقولك لسه ذايب في اشتياقي
واللي بسكتني خوفي وكبريائي
زي ما ضيعت من عمرك كثير
جيت اقدملك انا حبي الكبير
جيت بنفسي اوهبك عمري اللي باقي

عايزك انت يا حبيبي وده اختياري
يعني بعدك عني حيكون انهياري
اغفريلي قسوة الجرح اللي فات
افتحيلي باب جديد للامنيات
انسي ليل البعد محتاجلك نهاري

**********

من اول مرة شفتك

من اول مرة شفتك حسيت اني عرفتك وكانك حاجة مني
ولقيت حبك مليني بيغير لون سنيني
تغير قلبي في ولقيت الدنيا دي
وكاني الليلة دي اول مرة بغني

انا ياما حلمت فيك وقابلتك في الليالي
ورسمت حياتي ليكي وشغلت يا عمري بالي
دلوقتي وانت جنبي يحكيلك دق قلبي ويقولك شوق عينيا
تغير قلبي في ولقيت الدنيا دي
وكاني الليلة دي اول مرة بغني

انا قبلك تهت مني ولقيت نفسي بعنيك
وعرفت ازاي اغني واحلم ونا بين ايديك
ولقتني بدنيا ثانية عايشها ثانية ثانية
والشوق ظلل علي
تغير قلبي في ولقيت الدنيا دي
وكاني الليلة دي اول مرة بغني

************

انسان ثالث

من حقي ادافع عن حقي
مش بس عشان شوقي وعشقي
ده انا بيني وبينك مش ايام ولا عشرة طويلة ولا احلام
انا بيني وبينك انسان ثالث من حقه يعيش في سلام
من حقه يعيش في سلام

لو كنا في يوم احنا غلطنا وبدانا حياتنا وسكتنا من غير تفكير
انا وانت وبس حنتحمل وبرغم الاحزان حنكمل كل المشاوير
والقلب الثالث في حياتنا مش ممكن نرميه للاوهام

وما فيش قدامنا طريق ثاني ولا فينا يكون قلب اناني من غير احساس
ونحاول يمكن نتغير وبرحلة ايامنا نفكر بأعز الناس
والقلب الثالث في حياتنا مش ممكن نرميه للاوهام

**********

لو بتحب

لو بتحب حقيقي صحيح كنت وقفت بوش الريح
كنت ما سبتش قلبي جريح وسط النار
لو كان قلبك لسه بريء تحكك ظلمي ازاي في بريق
وتسيب قلبي لوحده غريق في التيار

لو بتحب حقيقي بقلبك كنت عرفت تخاف على حبك
كنت ما تترددش ثواني انك تسكن بين احضاني
مش بدقيقة تروح تنساني بدون اعذار
لو حبتني ما كنتش تقدر تخدع قلبي بحبك اكثر
اكثر ما اتحملت غيابك واستنيت بدموع على بابك
يبقى نصيبي اعيش بعذابك
ليل ونهار ... ليل ونهار

لو بتحب حقيقي صحيح كنت وقفت بوش الريح
كنت ما سبتش قلبي جريح وسط النار
لو كان قلبك لسه بريء تحكك ظلمي ازاي في بريق
وتسيب قلبي لوحده غريق في التيار

اتحملت معاك فوق طاقتي
كان اخلاصي هو خطيئتي
كان احساسي انك مش ليه
صدمة حقيقة كبيرة علي
كان احساسي بغدرك بي كله مرار
لو حبتني كنت اضحي
كنت ما تتسببش في جرحي
كنت ما تقتلنيش في عواطفي
كنت رحمتني لحظة ضعفي
كنت وقفت معاي بصفي ونا بنهار
ونا بنهار ... ونا بنهار

************

الحلم الجميل

الحلم الجميل والبيت الصغير
كله راح كله ضاع كله تكسر كله تغير
وفضيت علينا الدار والوحدة زي النار
راحوا اللي كانوا بيمسحوا بايدهم دموعنا
راحوا اللي كنا بنرمي باحضانهم وجعنا
حلم السنين تاه وفي قلبي مية آه
من يومها طعم الحياة زي المرار

كانوا زمان جنبنا حسين بنار جرحنا
بصبروا قلبنا على الحياة
لو تهنا او ضعنا عيون ترجعنا
وقلوب بتسمعنا لو قلنا آه

ولا الف صرخة ألم ولا الف ندم
وقت الفراق تحسم وبايدنا إيه
ده نصيبنا وقدرنا أحزانا تكسرنا
يارب صبرنا علي احنا فيه

*************

اسمعيني

اسمعيني قبل ما تبعدي قبل ما تتغربي وتغربيني
قلبي حاسس انه دي المرة الاخيرة تودعيني
ايوه خايف بعد حب العمر كله تضيعيني
قبل ما تتغربي وتغربيني
اسمعيني

لو في قلبك لسه باقي لسه باقي من حناني
لو في قربك ممكن ابدا يا حبيبتي عمر ثاني
يبقى حقي تسمعيني لو ثواني
يمكن الجرح اللي بينا يتنسي وتريحيني

شيء غريب قبل ما احكيلك حكايتي
شيء غريب القى في عيونك نهايتي
تتسرق احلامنا منا يتنهي الحب اللي بينا
يلي خدتي فرحتي وشوقي حنيني
نفسي مرة واحدة تفهميني وتسمعيني

**************

انا عيني لحبيبي

انا عيني لحبيبي انا روحي لحبيبي
انا ابيع عمري وحياتي عشان خاطر حبيبي
الحب قابلته عرفته وشفته وعشته معاه
انا اشرق اغرب ابعد اقرب مش حنساه
لو عشت الف عمر على حلو ولا مر
انا قلبي تحت أمر حبيبي حبيبي

اول عيني ما تيجي في عينه بنسى العالم وبنسى الناس
حب كبير قوي بيني وبينه مش قلبين عايشين وخلاص
عمرنا ما ابعدنا ثواني لا نسيته ولا بينساني
هاتوا عاشق ثاني عايش نفس الاحساس

انا فتحت عيني وقلبي على ايامه وعلى لياليه
انا لو عشت اسقيه من حبي طول العمر شويه عليه
ما اطرح ما الدنيا تاخدني عمره ما حيفارق حضني
لو عنه زماني بعدني مش عارف حاعمل ايه

**********
العاشق الولهان

العاشق الولهان مغلوب على امره
والعاشق السهران بنادي على قمره
ليه .. ليه .. ليه
ليه القمر نعسان روحوا وقولولوا يبان
انا حبيبي جاي بشوق غايب بقاله زمان
استنى نورله غنيلو وسهرلو
اطلع ووصله اني بهواه سهران

احكيله حالي ايه حالي ايه
وبحبه قد ايه قد ايه
مهما حيكون بعيد اشواقي رايحه ليه
هو حبي الوحيد وحياتي بين ايديه

انا قلبي ايوه ذاب ايوه ذاب
مش واخد عالغياب ... عالغياب
عاشق وفي قلبي شوق يملى مليون كتاب
اول ما بشوف عينيه بنسى ليالي العذاب

***********

حنعيش

حنعيش انا وانت في أي دنيا
حنعيش مع بعض في كل ثانية
مش حتفرقنا انا وانت يا عمري أي حاجة
وحنبدا صفحة جديدة انا وانت في كل حاجة
حياتنا حنبتديها وأول كلمة فيها
بحبك .. مش أي كلمة ثانية

حنعلم زمانا معنى الحب إيه
مش حيعدي بينا يوم نندم عليه
وشاهدة يا عمري علينا أيامنا وليالينا
مش حنسيب في الحب دقيقة تضيع من ايدينا

من مشوار حياتي فاضل قد ايه
خليك يا حياتي دائما جنبي فيه
عايزك تبقى معايا انت وبس كفايه
أي طريق حمشيه يا حبيبي محتاجلك وياي

*********

في عز ما كنت خاين

في عز ما كنت خاين وضميري نام وسبني
ايام ما عشقت نفسي وغرور الدنيا صبني
في عز ما كنت جارح لقيت قلبك مسامح
في عز ما كنت رايح اخلاصك ليه جبني
في عز ما كنت خاين

كل ما بتخيل صورتك سهرانه الليل مجروحة
خايفة من غدري وسايبه كل الابواب مفتوحة
بحزن على كل دقيقة خليتك فيها حزينة
وديت الفرصة لنفسي تجرح وتفرق فينا

قبل ما اسلم عليك قبل ما تنزل دموعي
لقيت فرحة عينيك جريت حضنت رجوعي
كان نفسي الاقي عذابك ودموعك تملى عينيا
خبيتي علي عذابك ولقيتك خايفة علي

************

بيسموكي القمر

بيسموك القمر ويسموك النجوم
ويسموك يا غالية اسم في كل يوم
ونا لما شفتك انت حبيت بس بطريقتي
مهما يقولوا في اسامي انا سميتك حبيبتي

حبك اجمل حكاية بتعلمني السماح
ومدام قلبك معاي مش حندم علي راح
حلوة الايام معاك وبتحلو بهواك
انا قبلك كنت تايه ولقيت روحي في سماكي

قلبي وقلبك تواعدوا من سنين
مهما الايام بتجري بيقربنا الحنين
حبك مكتوب علي يرسم فرحة عيني
ما انت قدري ونصيبي اللي اختري بايدي

***************

انا زيك حبيتها

أنا زيك حبيتها زيك حبيتها
وإندمت إني هوتها ندمت إني هوتها
أنا قبلك وعدتني بهواها و خدعتني
ودي كانت لعبتها
أنا زيك أنا زيك حبيتها

قبل منك كنت عايش نفس دورك كنت زيك كنت عايش ليها
قبل منك قلبي جرب نفس نارك والحكاية كانت هي هي
بعد كل الحب خانت والسنين في عنيها هانت
مش ده برضه كان شعورك مش ده برضه نفس دورك
منا قبلك وعدتني بهواها و خدعتني
ودي كانت لعبتها كانت لعبتها.
أنا زيك حبيتها

تفرق أيه لو كنت قبلك ولا بعدك تفرق إيه لو عشت زيك نفس جرحك
سبني قولك على اللي بتخبيه ملامحه سبني قولك على الحقيقة سبني صرحك
.أوعى تضعف مهما قالت والدموع في عنيها سالت
دي الدموع اللي فعنيها كل حاجة كدب فيها
منا قبلك وعدتني بهواها و خدعتني
ودي كانت لعبتها كانت لعبتها
أنا زيك حبيتها

*********

تخسري

تخسري وانا حبتدي اكتب السطر الأخير
سيبي قلبي وابعدي وحدي مش حاخسر كثير
انما انت حتخسري تخسري حبي الحقيقي
ابعدي لو تقدري عن هواي وعن طريقي
تخسري

آه راهنت عليك بالعمر الجميل
ان بعدك عني اكبر مستحيل
وان كل الدنيا لو باعت هوايا
انت وحدك تبقى جنبي للنهاية

بعدي عنك مش حكاية مستحيلة
اللي باع حبي انا انساه في ليلة
كنت فاكرة اني في بعادك حضيع
ضيعي وحدك واندمي انا مش حضيع

************

حكاية قلب

الحكاية مش حكاية قلب حبك
ولا كلمة صادقة كانت ولا كذب
الحكاية إني عشقتك
الحكاية إني آمنتك
لما كان جواك قلب

لما قولتي اني حبك لي اقوى من الزمن
قلتلك ان في بعادك الحياة ملهاش ثمن
قلت فرحك هو فرحي قلت جرحك هو جرحي
والمكان اللي انت فيه يبقى الوطن

والنهارد حس قلبي انه احساسه انطفى
والحنين اللي في عيوني تاه في غدرك واختفى

***********

ادفعلك عمري

ادفعلك عمري يا عمري حب واحاسيس
دي عيونك قمري قمري وفي ليلي ونيس
يا شاغلني ليالي ليالي حبك على بالي ليالي
افديك بالغالي والغالي رخيص

حنيت قلبك تكفيني والهوا جوايا مدفيني
حبيتك حسيت بحياتي وملكت الدينا بكفيني

لو يرجع بسنيني زماني انا كنت احبك من ثاني
وبشوفك اقرب من نفسي اقرب من روحي لكياني

*************

انا بتاخد منك

انا بتاخد منك انا بتشد لغيرك
ايوه بخرج منك بدخل عالم غيرك
ببعد غصب عني وبودع لياليك
واللي فضلك مني ألمي وخوفي عليك

انا حبيت وحاولت محبش علشان خاطر افضل ليك
واتحديت الحب عشانك وتعودت اتغرب عليك
بس الحب اللي تحديته انا معرفش ازاي حبيته
خدلي بحالي غير حالي شد ايدي سبت ايديك

كنت معاك بكل مشاعري مقدرتيش تاخدين حبيبك
وانت اكيد حسيت وعارفة اني في لحظة صدق حسيبك
ليه بتبان احزان في ملامحك
انا مش بايعك انا مش جرحك
قلبي تحمل واتخيلت بعد ده كله مش حيسيبك

***********

ليه ما نحلمش

طب ليه ما نحلمش ويا الهوى نمشي ليه ما نحلمش
ون طال علينا الليل نقوله ما ينمش نقوله ما ينمش
بحلم يطول الشوق وبكره لينا يروق
يلي القمر من فوق جنبك ما بيبنش

بحلم نكون مشوار يقولوا فيه أشعار
وبليلك ابقى نهار من بكره ما يخفش

بحلم نكون في زمان فيه الليالي أمان
ولا تبقى فيه أحزان ونعيش ما نندمش

**************

غلطة

غلطة ندمان عليها وبقولك واسمعيها
قلبي مش ملك ايدك او لعبة بتلعبيها
غلطة ندمان عليها

حسستك بالامان واديتك الحنان
وحاجات كثير زمان ماقدرتيش تفهميها
قلبي ضيعتي حقه ضيعتيه رغم صدقه
ونهاية حبه ليكي انت اللي بتكتبيها
غلطة ندمان عليها

رغم الحب الكبير مش حفضلك اسير
ملكيش احلام في قلبي وياي تكمليها
قلبي ضيعتي حقه ضيعتيه رغم صدقه
ونهاية حبه ليكي انت اللي بتكتبيها
غلطة ندمان عليها

************

انت السبب

انت السبب يا قلبي
غاوي سهر غاوي تعب
غاوي تقول حبايبي يا قلبي
وفتحت بابك للهوى فتحت بابك
وآدي اللي نابك من الهوى آدي اللي نابك
ويسألوك يا قلبي ليه ترضى بعذابك
تقول نصيبي واعمل ايه في اللي انكتب

وقولتلك كثير يا قلبي قولتلك امر جرح هو جرح العاشقين
وحلفتلك كثير يا قلبي حلفتلك انك حتفرح في الهوى يا دوب يومين
وعاندتني مرضتش تسمعلي كلام ورجعتلي تشكي من مر الآلام

سملتنا يا قلبي ليه سلمتنا لعيون خدتنا وذوبتنا في الآهات
وتعبتنا مع قلب عمره ما كان لنا ولا جاب لنا غير بس اصعب ذكريات
مع كل ده حنيت يا قلبي للي كان ورجعتله وكان أي شيء ما كان

***********

الوقت مش وقتك

الوقت مش وقتك ولا الزمان زمانك
يا قلبي صدقتك وذقت احزانك
لو الليالي عليك امن ولا تخون
مهما البشر حواليك تكذب وتتلون

امشي وقول غنوتك من قلب احساسك
لو ناس كثير فارقتك حتلاقي يوم ناسك

اوعى تحس بندم على اي شيء فاتك
في كل خطوة قدم يا قلبي عيش ذاتك

**********

كان وعد

كان وعد نتقابل بس الزمان ما رضيش ما تسالنيش ليه مرضيش
ليه الزمان قابل الاقيك بالاحلام وياما صحيت ومالقيتكيش
لو هو ده المكتوب ،، انا راضي بالمكتوب
لو عمري كله يذوب بسال ونا مغلوب
امتى بقى حنعيش

انا عارف ان انت بالدنيا يا حبيبتي لكن بعيد عني
دمعك على خدك والشوك ملى وردك وبتسالي عني
ونا بالحياة بجري ملقتش نور فجري وكانه في عينيك
الآه بتسبقني والخوف بيلحقني والليل مخبيكي

وحشاني يا عمري وما بنسكيش عمري مع اني بنساني
وبتوه ساعات مني بعيون محاوطني وبحن ليك ثاني
واتعب وقول ماشي لو ما تبقلناش منا برضه حبيتك
لو حتى كان وعدي اني اعيش وحدي مكفاية حسيتك

*************

تحياااااااااااااااااااااتى
احمد جوجووووووووووو

تمام جدا والله يا صاحبي
هاني شاكر اصلا بجد هو ملك الاحساس والرومانسيه

تسلم يا مان والله هانى جامد جدا
انا احب اسمعه وانا براحتى كده
بيبقى جاااااااااااامد بجد تشكر تانى وتالت والف
وتقبل مرورى

مشكوووووووووووووووور يا عم جوجو
تسلم ايدك

عدد المساهمات : 142 تاريخ التسجيل : 23/03/2010

تشكر يا جوجو ع مواضيعك الجامدة دي
تقبل مروري

شكرا بجد
كلمات جامد بجد

ميرسى ليكم يااحلى شباااااااااااااااااااب..............

» جميع كلمات اغاني الهضبه((عمرو دياب))..من اول البوم لاااخر البوم بس دي الالبومات القديمه .
» كلمات البوم هانى شاكر - بعدك ماليش - 2010
» كلمات اغاني مصطفى كامل - امير العذاب
» كلمات البوم عبد الفتاح جرينى - 3 كلمات 2010
» جميع كلمات الفنان(حمادة هلال)...........