**** البنت لما حد يسألها انتي مخطوبه؟؟؟
زمان: لسه ربنا مأذنش وتحط وعينيها في الارض و وشها يحمر
دلوقتي:لا ليه عندك عريس؟؟؟ ايدي علي كتفك ناس معندهاش نظر طب ما تشيل انت
****الولد دخل علي باباه ياخد منه مصروف الاسبوع
زمان:ممكن يقول لمامته تقوله لانه محرج انه يطلب كده من باباه وخايف منه
دلوقتي:ايه يا مان احنا النهاردة كام في الشهر؟ مش هتأبجني ولا ايه حكايتك؟يلا يا عم انت مش سامعني ولا ايييييييييييييه عاوز الفلووس العيال بيرنولي علشان انزل عاوز المووووووووووووني
*****خروج الولد وموعد رجوعه البيت
زمان:ممنوع التأخير ولو اتأخريبقي لسبب قهري ولازم يبدي الاسباب والاعذار
دلوقتي:تلاقي الولد داخل الساعه واحده بالليل باباه يقوله كويس انك جيت بدري ومتأخرتش الولد بدري ايه يا مان دا انا جاي اغير هدومي ونازل علطول انا وكام واحد من صحابي رايحين نلعب ماتش كده ع السريع خش انت نام وانا مش هتأخر....االاب نام ونزل يصلي الفجر لقي ابنه عند بتاع الفول بياكل ايه يا بني انت لسه مروحتش الولد اهلااااااا الكبير اووووي معلش بقي اصل الماتش خلص صح ولا ايه يا جماعه والكل يهز رأسه بالموافقه وفمهم ممتلئ بالاكل وبعدين لقينا عصافير بطننا بتنعر قلنا ناكل بقي
****دخول الاب البيت
زمان:اول ما يسمعوا صوت باباهم من بعيد الكل يسيب االلي في ايده ويقوموا يستقبلوا باباهم ع الباب و لو شايل حاجه ياخدوها يشلوها عنه
دلوقتي:الولد قاعد ع الكمبيوتر او بيتفرج ع الماتش والبنت بتتكلم ف التليفون والاب ع الباب عمال يرن الجرس ويخبط ع الباب ( مع العلم ان الاب ليه خبطه مميزة)الاب خبط مرة واتنين وفين وفين لما البنت سمعت ما تسيب اللي ف ايدك وتقوم تفتح الباب ل بابا الولد يرد نعم هاخد اوامر منك اظن؟؟؟ما تقومي انتي يا ختي بدل الرغي في التليفون اللي ملوش لازمه البنت نعم ع الاقل بكلم صحبتي اقولها ايه انما انت فاضي ولا لازم تمارس دور راجل البيت الولد ما تعدلي كلامك معايا انا اخوكي والراجل هنا ولازم كلامي يتسمع.....ترد ع العموم بابا معاه مفتاح وتلاقيه شويه وهيفتح ولا الحوجه ليك يا خويا
****نزول الولد لشراء احتياجات البيت
زمان:كانت البنت مبتخرجش كتير والولد هو راجل البيت في غياب باباه ويلبي كل احتياجات امه دون تذمر!!
دلوقتي:الام يطلع عينها من كتر ما تتحايل ع الولد انه ينزل يجيب لها حاجه من البقال اللي تحت البيت حتي يرد ما تعبتي حد من دول ما هم قاعدين مش بيعملوا حاجه يابني دي اختك تنزل وانت قاعد والمفروض متنزلش كتير ... بنت يعني ايه العو هياكلها مثلا؟؟؟دي بنتك تخوف بلد يابني انت المفروض الراجل... راجل؟؟ وانتوا خليتوا فيثها راجل مش انتوا اللي طلبتوا المساواة؟؟؟يلا اشربوا بقي علشان تبقوا تقولوا الراجل زي الست ولا دي في حاجات وحاجات لا ؟؟؟ حاجه غريبه اوي ؟؟؟!!!!
**** نزول المرأه العمل
زمان:كانت المرأه تسعي من اجل اثبات كيانها وذاتها و وجودها وكانت تتمني النزول للعمل
دلوقتي:منه لله قاسم امين هو اللي بهدلنا ونزلنا الشغل ... انا ايه اللي يخليني انزل الشغل واتبهدل في المواصلات كده ...مش كنا لو قاعدين في بيتونا كان بقي اكرم لنا!!!!!!!!!!!
موضوع: ايام زماااااااان وايام دلوقتي............ 
الخميس يونيو 24, 2010 7:06 am
