علية العوض

موضوع: علية العوض الثلاثاء يونيو 29, 2010 12:58 am

_ان ماقدرتش تضحك ماتدمعش
ولاتبكيش ولا حول ولا قوة الا بالله

_امشى جنب الحيط تسلم
وامشى فى نص الشارع تندم
وامشى مع صاحب ظابط تأمن

_واشهدى يامصرُ اننى فدا
وادفعى اى حاجه اجيب بيها الغدا

_لو عرفت مين اللى قتل خالد سعيد
اكتب بيان مكون من صفحتين ورافقه
بصوره شخصيه وإتصل ب0900
وإحنا هانبعتلك المخبرين دليفرى

_وتجرى يابن عز جرى الوحوش
غير حديدك لن تحوش

_السيد الغالى غالى وزير الماليه ياترى
ايه اخر اخبار العيال والوليه
نتمنى لهم وقتاً ممتعاً واجازه مسليه
وان يقضو صيفهم على شواطىء شرم
ونقضى صيفنا على شواطىء خط الفقر

_شاهدو مباريات كأس العالم ومتزهقوش
وان قطعو عليكو النور متزعلوش
وان دورتو على حاجه تانى تبسطكم
هايخربوها ماتقلقوش

_ماتبصليش بعين قويه وتعالى
شوف ايه اللى حصل فيا

_السيد الفاضل وزير البترول
وراعى الرياضه فى اندية البترول
بعد ان شعر السياح وكأنهم طبق فول
وخوفنا من حدوث كارثه بيئيه
نرجو توضيح كيف تم تسريب اللاعب وليد سليمان
واللاعب محمد شعبان وبالمره بقعة الزيت التى ظهرت
على البحر الاحمر

_ايدى فأيدك نفتح شركه
وايدى فجيبك ابقى وزير

ااقول اية تانى علية العوض