راجل ولا مش راجل

ايوا انا راجل؟ ستين راجل
يعنى انشرو ف بيان لك عاجل
كنت زمان يا معلم راجل
بس الان؟
قالو عليك صايع وجبان
قالو عليك مسكين وجعان
قالو عليك مش هتكون راجل
وانككو شعب بتاع نسوان؟
قالو عليك شعب بتاع كوره
طيب مش يطلعلو سنان
مهما هيعمل يسكت تانى
نلهيه بهيفا وبعض اغانى
لما يشوف ف امين الشرطه
يسكت كده على طول ف ثوانى
لما يشوف حد بيتخانق
ملناش دعوه؟ وشعب انانى
وان راح حد يوقلك اشهد
تلقى انا مالى؟ وكانى ومانى
عوزك تثبتلى انك راجل؟
طلع صوتك؟
وقت عصايه الامن متطلع؟ بتخاف موتك؟
وقت ميشخط فيك الشرطه توطى ف صوتك
وقت ميخدو ف شرفك بردو بترضى سكوتك
وقت ميكلو ف حقك راضى بيخدو حقوقك
وقت ميضربو فيك بالجزمه؟ ساكت برضو علشان قوتك

عوزك تثبتلى انك راجل؟
علشان عم حبيبك العادلى مبيرحمش
الاحسن روح شوفلك متش
لحسن عارف ايه راح يحصل
فيه عندنا يا حبيبى البطش
وان زودتها يعنى شويه بالتطلطيش راح تشبع لطش
ممكن بس تبطل هتش؟
عوزك تثبتلى انك راجل؟
ايوه انا راجل ستين راجل
لا مش همشى ولا مش خايف
انا مش عيل لسه صغير ولا انا هايف
ولا انا حاطط روج ولا احمر ليك ف شفايف
ولا راح اخاف عصايتكوابدا
وف وشكو راح اكون انا تافف
ايو انا هثبت ليكو انا راجل؟
بص يا سيدى؟
بس خلاص مبقاش فيه خوف
بكره هنصحى وبكره تشوف
هتشوف ان الشعب المصرى خلاص بقا يعرف حقو وشوف
وان الشاب اللى عبر سينا ؟
بكره هيلعب ع المكشوف
وان البنت اللى جابت هاجر
مش هيهمها اى ظروف
وان تتار القرن الحالى
حبه عسكر تشخط فيهم تلقى خروف
وان اللبس الميرى الابيض
هيكون اسود مليان هم وغم وصوف
هتشوف ان ف مصر رجوله
ولا يكتبها الناس بحروف
هتشوف ان ف مصر شهامه
ولا تلاقاها ف اى ظروف
احنا خلاص رجعت كرامتنا
واقطعوو بقا لينا المصروف
مش هنطاطى وخافو طوفنا
داحنا شباب مبقاش موقوف
واللى هيجى يقرب منا
راح تلقونا صفوف وصفوف
ولا عمرنا راح نسكت تانى
لو جبتو ف اكبر حلوف
ايه رائيئكو رجاله ولا مش راجاله؟