كلمة بحبك ليست سهله تتقال

في الأيام دي اصبحت كلمة (بحبك) تقال بلا حساب
تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم
من هنا كنت عايزة اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه


بالنسبة للشاب:

معنى انك قلت الكلمة دي يعني انت على استعداد انك ترتبط بالإنسانة دي طول العمر وتغير مجرى حياتك لأنك اصبحت مش ملك نفسك لوحدك ولازم تفكر بكل الطرق ازاي تبني مستقبلكم ...لما تقول كلمة بحبك لبنت لازم تكون كلمة من قلبك مش للتسلية لأن كسر القلوب غالي ولو انت عملت كدة أكيد الحركة دي هتترد فيك او في أولادك
لازم تكون على استعداد للتضحية...مش كل حاجة انت بس اللي تاخدها
لما تقولها تكون عارف ومتأكد ان ده حب حقيقي منك مش بتقولها كدة لعب عيال
فكر ألف مرة قبل ما تقولها...واعلم ان مسئولياتك زادت
لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم


بالنسبة للبنت....

فكري مليون مرة قبل ما تقوليها لأن بعض الشباب هوايتهم صيد البنات الساذجة الطيبة واللي أول ما يسمعوا الكلمة دي منك يجري لأصحابه ويقول ضحكت عليها يللا نشوف واحدة غيرها
فكري كتير واتعظي من خبرات اللي سبقوكي وانكسر قلبهم
لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قالت امي
تأكدي من شخصيته..واسألي نفسك هل اقدر اعيش معاه فعلا
مفيش شاب كامل طبعا بس برضو أختبريه بدون جرح مشاعره
أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته
لازم كل حاجة تعمليها يكون هو على علم بيها
في بنت هتقولي انا في كلية وطبيعة المواد والسكاشن اني اتعامل مع شباب...ماشي مقلناش حاجة بس هو لازم يكون يعرف واحترمي غيرته عليكي وعصبيته في الوقت ده لأن دي اشارة انه بيحبك فعلا طالما بيغير وفهميه وجهة نظرك بهدوء
طبعا مفيش داعي ان انا اقول بلاش تقولي كلمة بحبك للتسلية أو لأن في شاب عمل فيكي مقلب وحبيتي ترديه في واحد تاني انتقاما من الشباب!!
لازم تحكمي عقلك كتير أوي قبل ما تحكمي قلبك في بداية الطرق
لحد ما تتأكدي مليون في المية ان الحب بينكم صادق
.
.
.
فقد رأيت شباب كثر يقولون هذه الكلمه بدون تفكير
فأردت ان اوضحها لهم ولعلنا نستفيد

WOOOOOOOOOOOOOOOOOOOOOOW
nice topic
thanks.......

thanks to god not to me

مرسي اوي يا كازو

بس ياريت كل الناس تعمل الي انت بتقول علية
لان في الزمن دة والله قليل
الناس الصادقين

اغلب الشباب بتاع الزمن دة
بيقول بحبك تسلية
ومش جوة اي مشاعرانتجاة البنت دي
المهم يتسلى معها لمدة اسبوع ويسيبها
ويتسلى في بنت غيرها
وكمان في النفس الوقت في بنات بتتسلى


مرسي على الموضوع مرة تانية يا كازو

الموضوع هايل جدا ويارب كله يعرف ده فعلا

مرسى أوى يا جماعه ع الكلام الحلو ده

الموضوع جميل اوى يا كازو ومشكور على التوبيك يا برنس

بجد شكراا دى كلمة قليلة ويارب المزيد.....

لا شكر على واجب لان من واجب كل واحد انه اما يشوف حاجه غلط لازم يحاول انه يصلح فيها ولو على قد ما يقدر

موضوع جميل جداااااااااااااااااا تسلم أيديك عليه وبجد مهم في زمنا ده . وفعلا كلمة بحبك دي اصعب واجمل كلمة عرفتها في معانيها وحروفها . واللي يقولها لزما يكون قدها ليسكت أحسن ...
تقبل مروري المتواضع ...

تسلمى ياقمر